Helgi Hóseasson - Tilvitnanir

Ég reyni að nota glóruna. Ég trúi ekki því sem ég get ekki fellt mig við eða skilið. Ég leitast við að viðurkenna takmörk mín og fer ekki að búa til skáldskaparrauðgraut í það bil sem ég ekki skil í tilverunni. Trú er forkastanlegt hugtak; ég leitast við að mynda mér skoðun á hverju og einu og haga mér samkvæmt henni.

Þú verður að taka þessu einsog það kemur fyrir af skepnunni, það þýðir ekki vera að vinsa innan úr þessu. Það gæti verið að hann [jesús] hafi verið til og sagt margt gáfulegt, en það gæti líka verið haugalygi. Og það þarf ekkert að leita eftir kærleika hjá Krosslafi eða kristlingum. Kærleikur finnst hjá öllum mönnum.

Heldur en að gera ekkert við þessi helvíti, þá sæmdi ég þá skyrinu.

Opnar lætur dauðans dyr,
"drottins" er ósiður.
Að byrgja aldrei brunna fyr,
en börnin detta niður!

Enginn heiðarlegur maður biðst nokkru sinni fyrirgefningar á því, sem hann finnur sig ekki sekan um.

Þraungt er vort sjónvarsvið.
Seint þróast mannkynið.
Búum við falskan frið,
frumskógarlögmálið.

Enn skal virkja afl og þrótt.
Aular Himna senna.
Eiðakyrkjuskrifli skjótt
skal til grunna brenna.

Manndráp á því merkir kross
morðsögur kenna.
Feingur má því öllum oss
að það fer að brenna.

Svo skal brenna Krosslafs kross,
kæfa draug í sóti,
láta renna rauðan foss
reyktan, -uppámóti!.

Galinn telst ég, sem getið lét
mér gæfi ekki um púkakét.
Krysstin er sá er Krosslaf étur.
kasúldið Arabatetur.

Ég skvetti líka tjöru á stjórnaráðshúsið á sínum tíma og hef ekki heldur verið kærður fyrir það. Þetta er kynjalegt þetta réttarfar í þessu helvítis landi. Menn eru nú kærðir fyrir minni læti en þetta.

Hver skapaði sýkla? Ég hef engan fundið enn þá sem getur svarað því. Þess vegna er ég nú að spyrja. Það er sagt á mörgum stöðum og í mörgum bókum að himnadraugurinn hafi skapað allt. Skapaði góður guð sýkla sem drepa milljónir manna á hverju ári?

Það er nú logið á skemmri leið en frá Golgata að Galtalæk, einsog kerlingin sagði .